Wer noch kein Sprüchli für den Samichlaus parat hat, hier eine kleine Auswahl /emoticons/default_icon/wink.gif
Es Liechtli chunnt de Feldweg i,
i glaub das mues de Samichlaus sii.
Jetzt ghört mer's Glöggli, still los guet,
wie's über d' Wiese lüüte tuet,
Mis Herzli chlopfet lies und fescht,
ich hoff Du weisch vo mir nur's bescht.
Die andere chline dumme Sache,
wetti s'nägscht Jahr besser mache.
Drum bitte lueg in Sack jetzt drii,
ob's öppis het für mich debii.
D`Stube isch no hell.
Samichlaus, chomm schnell!
Au zo meer, i bitt;
d`Ruete nimm nöd mit!
Blyb nöd duss im Gang!
Lueg nu, wien i plang,
bis d mer öppis gisch,
wil d en Guete bisch.
Pagg jetz weidli us!
Mach di breit im Huus!
Nochher will i gly
ganz en Brave sy.
Samichlaus, du liebe Maa,
mues ich jetzt go füre staa?
Gäll, du bisch nöd bös mit mier.
Weisch, ich han ächli Angscht vor dier.
Gfolget hani scho nöd immer,
s'git no Sache, diä sind schlimmer!
Gäll, das wämmer jetzt vergässe,
lieber Nuss und Bire ässe.
Gäll, Samichlaus ich dörf jetzt gaa,
Samichlaus du liebe Maa.
Samichlaus es isch nöd liecht immer e liebi z sie,
drum chunsch du au bi mir mit em dicke buech verbie.
Nöd immer isch mir s Folge glunge, gäll Chlaus das weisch du scho.
Wend dien Sack nümme so schwär wetsch träge,
würd ich für e hampfle Nuss rächt herzlich danke säge.
und mein lieblingsspruch /emoticons/default_biggrin.png
samichlaus du liebe maa,
gäll ich muess kei ruute ha,
geb sie lieber im Papi,
das isch de grösser lappi.